Sipas statistikave, një pjesë e madhe e popullsisë në botë nuk bëjnë gjumë mjaftueshëm. Përderisa rekomandohet që të flini deri në tetë orë gjumë brenda një nate, një pjesë dërrmuese e njerëzve nuk i bëjnë as gjashtë orë gjumë.
Ekspertët shëndetësorë tregojnë se mungesa e gjumit ka ndikim negativ në shëndetin dhe mirëqenien e njerëzve.
Por, si mund të bëjmë gjumë më të mirë? Duket se përgjigja gjendet në pjatat tona.
Shumë vlera ushqyese luajnë rol në gjumë të shëndetshëm. Shtimi i këtyre nutrientëve është mënyra e mirë për ta rregulluar trupin.
Bajamet
Të pasura me magnez, bajamet nevojiten për gjumë kualitativ. Sipas anketimeve, trupi juaj me shumë gjasë ka mungesë magnezi, sepse rreth 80% e njerëzve nuk konsumojnë mjaftueshëm ushqime që përmbajnë magnez.
Avokadot
Përveç se janë të pasura me yndyrna të cilësisë së lartë, avokadot janë edhe burim i shkëlqyeshëm i kalciumit. Kalciumi funksionon në bashkëpunim me magnezin për ta përmirësuar gjumin.
Çaji i kamomilit
Konsumimi i një çaji të kamomilit para se të shkoni në shtrat nuk është vetëm këshillë popullore, por fakt shkencor.
